關於憶蓮 《Incomplete》的故事

這裡快要轉型成音樂專頁了，沒有啦！（笑）

不過實在太想分享近日關於林憶蓮《Incomplete》這首歌背後的小故事。

記得第一次聽到《Incomplete》這首歌是在 2007 年九展演唱會，如無記錯是演唱會最後一首歌，當時這首歌唱完之後還記得身邊的觀眾說：「吓！這也算是一首歌？」因為這首歌是沒有歌詞的，是由Sandy 哼出旋律。當時我也不以為意，之後便再沒有聽過這首歌了。

今年6月開始，把自己的唱片從紙箱拿出來（有數百隻），逐隻將唱片轉成mp3 ，然後再上載到YouTube。當歌曲上載到YouTube 後我都會聽一篇，確保轉檔時沒有出錯，就是因為這樣才有機會重溫很多多年沒有聽的唱片，其中一隻是憶蓮在2005年推出的唱片 《本色》。原來唱片最後的一cut 有一段隱藏獨白，這個是我從來都不知道的。

這個來自憶蓮的獨白解釋了《Incomplete》的由來，為甚麼這首歌沒有歌詞。我把憶蓮的獨白默寫了出來：

---------------------
hmm… 其實喺今次做番一張全廣東專輯嘅過程入面呢 hmm…有好多嘅感覺，亦都有好多嘅回憶啦，亦都有好多嘅得著 hmm…有新嘅朋友合作，亦都有好開心可以搵返一啲曾經合作過嘅一啲朋友呀，一啲填詞嘅朋友。 咁成件事係em有少少 hmm.... 百感交集咁嘅感覺啦 咁然之後我喺成個過程入面，之後我覺得總係有啲嘢係唔完整嘅。 總係有樣嘢係爭啲爭啲咁， 最後我發現係，其實因為無咗一首，或者係唔只係一首 Richard ( 林振強）幫我手寫嘅歌 hmm…咁因為睇番喺我自己成個嘅廣東唱片成過嘅事業發展入面， 其實Richard 林振強呢係扮演咗一個非常非常重要嘅角色。 咁所以如果我喺咁多年之後再做番一張全廣東專輯嘅時候，無咗 Richard 嘅參與我覺得係好..ar..遺憾嘅一件事。 咁當我將依個諗法同 hmm Anthony ( 倫永亮）同埋我嘅producer Mark 一齊商量嘅時候，我哋都係 em 決定喺精神上面可以我地仍然都可以有佢嘅出現 咁所以我地最後有咗一首hmm..Anthony 寫嘅歌，我哼嘅 Melody 但係無歌詞嘅， 依首歌我地係叫佢做 Incomplete 因為無咗 Richard嘅參與，但係精神上面我地覺得 Richard 喺係度嘅。

---------------------

原來這首歌是紀念林振強先生的。林振強先生在 2003 離世，我自己也是因為憶蓮的歌而認識及愛上林振強先生的詞。估不到對憶蓮來說，林振強先生對她有那麼大的影響及位置。若不是這個獨白我永遠不會知道《Incomplete》的故事，亦不會知道這首歌背後是充滿愛與思念，這麼感動的事為何收藏得那麼密，要我像「尋寶」中找出來，討厭！

在這個上載唱片的過程中實在有太多意外的得著，雖然我只剛剛完成上載憶蓮的唱片，還有很多很多要上載。而我發現自己越來越喜歡及欣賞憶蓮，她是一個非常令人尊敬的歌手，慶幸自己有機會看過憶蓮的演唱會。

------------- 

Music Broadcast 逢星期五更新，談談那些年我聽過的音樂，或許亦勾起你的某些回憶，歡迎 Follow 我的Blog 及 YouTube channel。