迷上了麻辣

自從今年去了台灣， 認真地迷上了麻辣。回到香港後，四出走訪吃麻辣的地方。
最容易的方法是吃米線， 現在大大話話都試了十多間雲南，四川米線。好可惜只有一間真正做到又麻既辣。其實辣唔辣都唔太重要， 但最近要麻。

現在有一間麻辣店我真的喜歡， 這就是‘傷心酸辣粉’ 。每天也心癢癢想吃， 而且份量適中。希望可以試其他小食。

麻辣火鍋會推介油麻地渡船街的’隨變‘， 又不是太辣， 但有麻香， 很不錯。

四川小菜推介金鐘的三希樓 及中環的私房菜大平伙。
烤魚可試旺角的汀汀烤。

試過唔多掂的有：

1。上環正宗雲貴川
2。大角咀巴蜀 （配料是OK的， 湯底不可以）
3。中環小雨天 （ 其實蠻好吃我， 不過不麻不辣， 紅薯粉完全唔掂）
4。中環橋香雲南桂林過橋米線 （配料選擇多，味道還不錯， 但又是不麻只辣）
5。銅鑼灣渝酸辣粉 （唔掂，又貴）
6。阿糊雲南米線 （唔掂， 個湯清到如水， 唔麻唔辣， 不過豬紅好食，入味）
7。譚仔 （尚可， 不過又係完全唔麻辣）
8。深水埗雲南桂林過橋米線 （又係唔麻， 不過深水埗店她食過灣仔店）